Die vrae is deur Morena Mokoteli aan Siphesihle Mngomezulu gestel.
Morena: Dit is my voorreg om vandag so 'n paar vrae vir jou te vra. Vertel vir die lesers van jou ondervinding by die matriekkamp.
Siphesihle: My ondervinding was bittersoet. Somtyds het ek soos 'n gevangene gevoel, want die reëls was streng. Somtyds het ek soos 'n koning gevoel, want ek het regtig baie lekker geëet.
Morena: (Lag) Mooi! Nou vertel ons van die akademie. Was daar goeie onderwysers en onderwyseresse?
Siphesihle: Die onderwyspersoneel was baie goed. Ons het baie geleer. My kennis van wiskunde en fisiese wetenskap het verbeter.
Morena: Hoe verskil die lewenstyl van die mense in Ventersburg van jou lewenstyl? Indien dit verskil, wat is jou les hieruit??
Siphesihle: Dit lyk vir my asof die mense in Ventersburg armer is as die mense in Welkom, maar breingewys is hulle skatryk. Ek het geleer dat ek vir God moet dankie sê vir alles wat ek het. Ek moet dankbaar wees. Ek het ook geleer dat alle skole een groot oksimoron is - daar is goed en sleg.
Morena: Baie dankie. Ek het weer iets van jou geleer. Jy het wysheid en insig. My advies vir jou is dat die lewe kort is. Leef elke dag voluit.
