Woensdag-waardes

 

Sterkte vir jou nuwe skooljaar

2022 - die jaar waarin elke Tekkie gaan probeer om waarde toe te voeg tot die skool, sowel as tot sy eie lewe. Ons begin sommer hierdie kwartaal deur om te gee vir onsself, ons klasmaats en ons onderwysers by die skool.

OMGEE kan op verskeie maniere gewys word, maar ons begin met ses maklik haalbare aksies:

* Groet jou mede-Tekkies en glimlag vir hulle wat jy teëkom om te wys dat jy OMGEE!
* Help 'n onderwyser wat swaar dra aan boeke, bokse en lêers.
* Help die terreinwerkers deur jou papiere in die asdrom te gooi.
* Gesels met 'n nuweling of gaan sit by iemand wat eenkant staan.
* Deel jou broodjie of ander kos,
* Leen vir 'n klasmaat 'n pen, potlood of selfs van jou Pritt!

2022 se nuwejaarsvoorneme: Wees 'n waardevolle Tekkie

Gemeenskapdiens: die broodjieprojek

Die broodjieprojek van die skool word bedryf deur 'n span omgee-dames. En onder hulle geledere is daar ook twee hane. 'n Hartlike woord van dankie aan elkeen van hierdie spanlede wat sorg dat daar op 'n daaglikse basis 'n broodjie beskikbaar is, waar nodig.

Die cordon bleu-spanlede wat o.a. ham, maalvleis en ander lekkernye op die toebroodjies sit, is mnre. Mike Visagie en André van Dyk, mevv. Estia Greeff, Hester Bothma, Nelly Odendaal, Riana Crauwcamp, Bianca Kruger, Rika Vermaak, Lucinda van den Berg, Debbie Balios, Annelené Botes, Sheree Nieuwenhuis, mejj. Bo-dine Botha, Lizbe Sauer en Caryn Peterson. Die hart van die omgeeprojek is mev. Alet Harding se klas wat hier aan stuur van uitdeelsake staan.

Dankie aan elke personeellid wat ook in hierdie opsig die ongesiene, maar noodsaaklike ekstra myl loop.