Secretary's Day

Happy Secretary's Day! We cannot thank you enough for all you do. Our office wouldn't be as efficient without you. Your hard work does not go unnoticed. Thanks for all you do!

Sekretaressedag

Dankie aan ons 4 kookwater-sekretaresses vir al die ekstra myle wat julle loop. Ons waardeer julle. Mag julle 'n blomdag beleef. 

 

Sekretaressedag ...

Baie dankie vir alles wat julle doen - die agter-die-gordyn-dinge is baie meer en uitputtend, as dit waarvan ons weet. Julle is sterre!!!

Sekretaressedag

'n Groooot dankie vir die onmisbare administratiewe personeel wat die werk van die personeel makliker maak.

Julle is goud werd en ons waardeer julle opreg! Geniet julle dag en ook die ete!

Blomme vir sekretaressedag ...

'n Groot Tekkie-dankie vir julle GROOT en onbaatsugtige werk wat julle so in stilte in die kantore verrig. Julle loop die ekstra ekstra myl, sonder dat mense bewus is daarvan. Julle ontlont storms, voordat dit uitsak en deur dit alles, bly julle vriendelik en help julle almal met 'n glimlag. Ons waardeer julle! 

Die SAOU ADMIN-seminaar

Hester Bothma, Riana Crauwcamp en Estia Greeff het die 2 dae lange seminaar Dinsdag (5 Junie) en Woensdag (6 Junie) bygewoon. Die gaskunstenaars was onderskeidelik Phillip Moolman en Liz Meiring.

Etiket, menseverhoudings en veiligheid was van die aspekte wat op die agenda was.

Hulle het dit baie geniet en propvol energie teruggekom.

Happy secretary's day!!

Elsa Pretorius - personeellid vir 42 jaar!

Dit is met leedwese wat ons van die heengaan van mev. Elsa Pretorius, 'n jarelange personeellid van HTS verneem. 'n Mens dink terug aan haar met aangename herinneringe. Iemand met 'n geheue van 'n olifant - wat geen telefoongids nodig gehad het om nommers op te soek nie. Iemand wat altyd die ekstra myl geloop het en altyd professioneel in haar optrede was. Sy was maar net altyd daar, op die agtergrond, maar só effektief. Sy het jarelange verbintenis met die skool gehad, haar man was 'n onderwyser by HTS en later ook haar seun, Johann. Haar twee kleinseuns was albei betrokke en aktiewe Tekkies. En nou is haar dogter, Tanya , deel van die skool se personeel.

Ons gaan haar onthou vir haar vriendelikheid, mooi aantrek en hulpvaardigheid... 'n staatmaker... 'n steunpilaar!

Ons innige simpatie aan haar familie, mag julle krag ontvang, veral in hierdie feestyd!  

Onder is 'n personeelfoto van 1995. Elsa is vierde van links in die vierde ry, 'n gevierde mens!