Natuurwetenskap-vasvra

Hierdie leerders het vanjaar aan die  natuurwetenskap-vasvra deelgeneem. Dankie aan mej. Lizbe Sauer wat so onvermoeid werk

Wetenskapspore in die lug ...

Tekkie Tonic se fotograaf loop so 'n bietjie op die terrein rond en loer ook by oop klaskamers in. Me. Sauer se wetenskapklas praat ... Leerders moet net gewillig wees om al hul sintuie te gebruik. Baie innoverend is al die inligting wat so van die dak afhang. Ongelukkig het die fotograaf nie 'n wyehoeklens om reg aan die plakkate te laat geskiet nie.

Me. Sauer is aktief betrokke by die natuurwetenskappe: sy is die distrik se PLC-groepleier, sy help met die olimpiades en is o.a. ook 'n beoordelaar by die jaarlikse ekspo vir jong wetenskaplikes.

Sterkte met alles, dis nie aldag maklik om wetenskap te onderrig aan nie-wetenskaplikes nie ...

Lig aan die einde van die tonnel ...

Die graad 8E-klas is ywerig aan die werk en luister aandagtig na me. L Sauer as sy vir hulle vertel van die breking van lig in die natuurwetenskapklas. Daarna het hulle prakties gedoen en duidelik het daar vir hulle lig opgegaan.

Hierdie deel van die werk is nie ligtelik opgeneem nie en 'n toets hieroor, sal bepaal wie te lig bevind gaan word ...

Ons lig 'n glasie op kennis! Sterkte 8E- ons hou julle punte met 'n valkoog dop!!

Einstein's to be!

Themba Motibe, Mthuthezeli Matholengwe,

Katleho Majola and Sicelo Tseletsele making

ready to write natural sience quiz round 3.

THS is so proud of them.

Photo: Lizbe Sauer

Natuurwetenskap-vasvra

Tekkies se span is 'n span om mee rekening te hou. Hulle het nie net oor hulle laat loop nie.

Hulle het 'n vierde plek behaal in die natuurwetenskap-vasvra. Hulle het 'n skrale vier punte minder as die wenners gehad.

Van links na regs: Katleho Majola, Mthuthezeli Matholengwe, Sicelo Tseletsele, Themba Motibe en me. Lizbe Sauer.