 |
| Teboho Malang |
Hierdie leerder het nog nooit 'n kunsles van
een of ander aard gehad nie, maar die tekentalent sit baie diep in sy are. Toe
hy in die preprimêre skool was, het hy agtergekom dat as ander kinders stokmannetjies
teken, hy "regte" mannetjies kan teken, sonder enige moeite.
In graad 9 het me. Malinda Anderson hom gevra
om aan die ATKV se kunswedstryd deel te neem, maar toe sy vir hom die skoon
velle papier gee, was daardie groot velle so intimiderend, dat hy net daar
besluit het om nie te teken nie.
Intussen het Ingenieursgrafika en -ontwerp,
een van sy gunsteling vakke geword, waarin hy lag-lag 'n onderskeiding behaal.
En daarom was hy oorgehaal vanjaar om deel te neem. Hy het vier sketse ingegee
en vir al vier bokant 80% gekry - 88%, 2 x 90% en 'n 96%.
Baie baie geluk, Teboho en mag jy duisende
dollars met jou tekentalent verdien.