Senior amptenare by die Nasionale Departement
van Onderwys het by 'n onlangse vergadering van tegniese skole bevestig dat
gespesialiseerde onderrig gaan terugkom, sodat leerders wat tegniese vakke
neem, meer vaardighede kan leer. Leerders sal dan kan kies om te spesialiseer
in byvoorbeeld Houtbewerking, Siviele Konstruksie, Pas- en Draaiwerk, Elektriese
Kragstelsels, Motorwerktuigkunde, ens.
Volgens hierdie senior beamptes is die
veranderinge spoedeisend, omdat dit noodsaaklik is om die vaardigheidstekort in
Suid-Afrika aan te spreek. Tegniese onderrig en tegniese vaardighede is so
belangrik in die tydvak waarin ons leef.
Leerders wat volgende jaar in graad 8 begin,
sal beslis vanaf graad 10 hierdie gespesialiseerde tegniese onderrig kan
ontvang. Met die oog op die land se toekoms, is dit van kardinale belang dat
graad 7-leerders ingeligte besluite moet neem.
By HTS word leerders toegerus met lewensvaardighede sodat hulle kan groei en hul plek in die samelewing kan volstaan.
Kies nou, kies reg, want dit is belangrik dat jy
jou volle potensiaal moet kan bereik.