Indien jy vir 'n nuwe werk aansoek doen, moet jy onthou die werksjargon word by elke maatskappy anders geïntrepreteer. Hier volg 'n lysie van die definisies wat die meeste aan die woorde gekoppel word.
MOET ONDER DRUK KAN WERK: Teen die tyd dat jy begin werk, sal die werk reeds ses maande agterstalling wees.
'N OOG VIR DETAIL: Jy mag nooit 'n fout maak nie.
WERKSEKURITEIT: Daar is orals kameras wat jou dophou.
TOEGEWY AAN JOU WERK: Al is jou vrou in kraam of jou pa lê op sterwe, sal jy sonder enige huiwering kantoor toe kom wanneer die werkgewer dit van jou verwag.
TALLE BYVOORDELE: Dit sal jy kry ... mits j langer as twee jaar die werk behou.
BA-, HONNEURS-, MA-, OF MBA-GRAAD VERLANG: Dit beteken nie dat jy noodwendig gekwalifiseerd is vir die werk nie, maar dat jy daarvoor opgelei kan word.