Op die spesiale uitnodiging staan dat die premier 'n lewenslange toewyding het om armoede deur middel van opvoeding en onderwys uit te roei. Hy het die Hlasela Onderwysbeurs** (Premier's Scholarship) in die Vrystaat ingestel.
Die prestige geleentheid is gereël deur Kearebetswe Tilo ('n oudleerder van HTS Welkom wat matriek in 2015 geskryf het) en Tshepang Motsie (van Ficksburg). Hulle goeie organisatoriese aanslag en leierseienskappe het
hulle goed kon aanwend in die reël van hierdie internasionale funksie.
Hulle is deur die president van die universiteit prof. Şenay YALÇIN, gevra om die funksie te reël op grond van hulle goeie punte. (Tilo het die hoogste punte van al die eerstejaars van die Vrystaat.) Die visepresident, prof.dr. Ali Güngör, is hulle fisika-dosent.
Kearebetswe en Tshepang studeer "software"-ingenieurswese. Hulle is deel van die groep wat aan die einde van Maart na Turkye is. (Hulle is die derde groep en was 56 studente) Hulle gaan vir die volgende 4 jaar daar swoeg en sweet en deel daarvan is die taal, wat volgens Kea, maar 'n taai toffie is om te kou.
Kearabetswe se gemiddelde punt vir hierdie semester is 89%. Hy is 'n uitblinker in wiskunde en mnr. Nyakallo Mothunyane kan baie trots op hierdie leerder van hom wees. Kea, ons hou jou sukses met valkoë dop. Mag jy net van krag tot krag gaan daar in die vreemde...
* https://www.facebook.com/bahcesehiruniversity/posts/1157763210967718 (video van die plegtigheid)
** Hlasela Education means attacking education)
 |
| Kearabetswe Tilo en die premier van die Vrystaat, dr. Elias Ace Magashule. |
 |
| Kearabetswe Tilo en die burgemeester van Lejweleputswa, mnr. Nkosenjani Speelman. |
 |
| Kearabetswe Tilo en die MEC van die VS, mnr. PHI Makgoe, saam met Tshepang Motsie medestudent en -organiseerder van die funksie. |
