Dankie aan al die besoekers wat Tekkie Tonic so gereeld besoek, kommentaar lewer en sodoende die span op die punte van hulle tone hou. Die kontak met die oudleerders is waardevol.
Die koerant is reeds 116 328 keer besoek, met 'n hele klomp vriende uit Frankryk, Amerika, Duitsland, Nederland, Brazilië en Portugal. Hierdie koerant word werklik wyd gelees.
'n Bietjie interessante statistiek is dat die gewildste "artikel" 'n gedig is wat Oswaldo Brooks vir sy pa op Vadersdag, 18 Junie 2017 geskryf het. Hierdie gedig is al 2711 besoek. Daar word verbasend baie by die afdeling oor gedigte ingeloer en die gewildste bladsy is die een wat heerlike foto's oor 'n entrepreneurskompetisie het.
Daar is reeds 3042 artikels op TT en dit wissel van ernstig tot in ligte luim.
Gaan maak gerus 'n draai by tekkietonichtswelkom.blogspot.com