Klein Kosie ondervind probleme met wiskunde. Sy ma besluit om ekstra aandag in die middae aan sy wiskundehuiswerk te gee. Sy probeer die abstrakte wiskundeprobleme meer prakties maak.
Ma: " As jy in die linkersak van jou broek kyk en jy haal 40c uit en jy vat die 35c uit jou regtersak, wat dink jy sal jy hê?"
Klein Kosie: "Iemand anders se broek, want ek is platsak."
ooOOoo
'n Nuwe polisiekadet is besig om sy eindeksamen af te lê en die laaste vraag is: "As jy gesê word dat jy jou eie ma moet arresteer, wat is die eerste ding wat jy sal doen?"
Die kadet dink so 'n oomblik na en skryf: "Vra vir bystand."
ooOOoo
Onderwyseres: "'n Abstrakte selfstandige naamwoord is iets waaraan jy kan dink, maar jy kan nie daaraan raak nie. Kan iemand vir my 'n voorbeeld gee?"
Een van die seuns: "My pa se nuwe kar."