Dink hieroor: Vervang Negatiewe Gedagtes

Om negatiewe gedagtes te vervang is nie maklik as jy nog in die skool is nie. Almal rondom jou kla. Die kinders omdat die huiswerk te veel is en die toetse te veel en te moeilik. Die onderwysers kla omdat die huiswerk afgeskeep word en die toetspunte so swak is.

Dis egter nie 'n verskoning nie ... As jy ‘n negatiewe gedagte het, vervang dit dadelik met ‘n positiewe een. 

Byvoorbeeld, as jy dink: "Ek het te min vir my toets geleer." Verander die gedagte: "Ek moet vir die volgende toets beter beplan en meer leer."

"Ek kan dit nie doen nie," verander dit na "Ek sal my bes probeer."